Мақала жайында жан-жақты айтылды

Көлащы ауылындағы Ж.Бәрібаев атындағы орта мектепте мемлекет басшысының «Ұлы даланың жеті қыры» атты мақаласын насихаттау мақсатында іс-шаралар жоспары жасалып, ол бойынша нақты жұмыстар жүргізілуде. Мәселен, сыныптарда тақырыптық сынып сағаттары өткізіліп, тамыры терең түркі дүниесінің тарихымен сабақтасқан ұлт тарихы жайлы мол мағлұмат беретін Елбасы мақаласы жайында жан-жақты айтылды.
Мектептің педагогикалық ұжымы да Елбасының мақаласымен зор ықыласпен танысты. Мұғалімдер арасында «Ұлт тарихының ұлылығы мен құндылығы» тақырыбында аталмыш мақалаға орай дөңгелек үстел өткізіліп, бай тарихымызды түгендеп,өткенімізді жаңғыртып,өшкенімізді қайта жағу жолындағы «Архив- 2025» жеті жылдық бағдарламасының маңыздылығы және ұстаздар «Ұлы даланың ұлы есімдері» және «Ұлы дала тұлғалары» сынды жобаларда көзделген мақсаттарды жүзеге асыру жолында аянбай еңбек етуі керектігі туралы ой түйді.
Забираш САРЫБАЕВА,
Ж. Бәрібаев атындағы орта мектеп директорының тәрбие ісі жөніндегі орынбасары.
Көлащы ауылы.