Коалиция мүшелері «Айгөлек» балабақшасының ұжымымен кездесті

«Әділетті және Прогрессивті Қазақстанның Халықтық Конституциясы үшін!» коалициясының өкілдері Қаскелең қаласындағы «Айгөлек» балабақшасының ұжымымен кездесіп, жаңа Конституция жобасындағы еңбек құқықтарына қатысты өзгерістерді түсіндірді.

Коалиция мүшелері 27-бапта еңбек ету құқығы, қауіпсіз еңбек жағдайлары, еңбек дауларын шешу тетіктері конституциялық деңгейде бекітілгенін атап өтті. Сондай-ақ 31-бапта жалақы мен зейнетақының ең төмен мөлшеріне кепілдік берілетінін жеткізді.

«Еңбек адамы – мемлекеттің тірегі. Жаңа Конституцияда еңбекқорлық құндылық ретінде бекітіліп, жұмысшылардың құқықтарын қорғау күшейтілді», – деді коалиция мүшесі Қаныбек Айтжанов.

Кәсіпорын қызметкерлері өз ойларымен бөлісіп, қойылған сұрақтарға нақты жауаптар алды.