Өз бағдарламаларын насихаттап түсіндіруде

Алматы облыстық, аудандық мәсли-хатына «Ауыл» халық-тық-демократиялық патриоттық партиясынан кандидаттар Береке ауылының тұрғындарымен кездесті.
Алдымен аталған партиядан облыстық мәслихатқа үміткер Қанат Бекеев және аудандық мәслихатқа үміткерлер Орынбай Жанәділ, Арман Қамалбеков, Салтанат Зекерова, Мадияр Асанбек Берекеде орналасқан «Жетісу» ауылшаруашылық өндірістік кооперати-вінің ұжымымен жолықты. Олардың қарсы алған мекеме басшысы Жанат Исағұлов «Жетісу» АӨК кешенінің техникалық базасымен таныстырды. Оның айтуынша, бүгінде мұнда 103 шаруа қожалығы күш біріктірген. Асыраушы саланың «жілігін шағып, майын ішкен» мамандар ешбір жұмыстан қайтпай, табан ақы, маңдай термен қара жерден ақ нанын адал тауып жегенді абырой көретін, атакәсіптің қасиетін бірікісідей түсінетін жандар иық тірестірген бірлестіктік иелігінде қызу еңбек етуде. Кооператив меншігінде бүгінде мемлекеттен 49 жылға жалға алынған 3 337 га жер болса, оның 908 га-сы суармалы. 1 000 га аумақ жайылымға арналған. 25 адам тұрақты жұмыспен қамтылса, науқан кезінде олардың саны жүзден асып жығылатыны бар. Осы мәліметтерді айтқан соң Жанат Молдақұлұлы ауыл шарауашылық саласында қордаланған мәселерді көтеріп, кандидаттарға сұрақтарын да койды. Үміткерлер қызметкерлерді «Ауыл» партиясының сайлауалды бағдарлама-сымен таныстыра келе, агроөнеркә-сіптік кешенге арналған бөлімді егжей-тегжейлі түсіндірді.
Одан кейін аталған партияның өкілдері Береке ауылының Мәдениет үйінде тұрғындармен жүздесті. Аграрлық реформа-лардың негізгі бағыттарын таныстыра отырып, Қанат Ботайұлы «Ауыл» партиясының субсидиялау жүйесін қайта қарау жөніндегі ұсыныстары туралы жан-жақты мәлімет берді. Қазіргі уақытта субсидиялардың көптеген түрлері бар және олардың тетіктері күрделі. Мұның бәрі шаруаларды шатастырады және әкімшілік процесті қиындатады. Партия заңнамалық деңгейде барынша ашық және қажетті субсидияларды қысқартуды ұсынады. Кандидат бюджет қаражатының үнемделген бөлігін оңтайландырудан кейін қалған дотация түрлеріне міндетті түрде жіберуді ұсынды. Бұдан басқа, несиелер бойынша пайыздық мөлшерлемелерді 2-4 пайызға дейін төмендету және жанар-жағармай материалдары мен жемшөп құнын едәуір арзандату проблемасын көтеру партияның негізгі бағыттары екенін де айтып өтті.
Бұрым ОРЫНБАСАР.