Қауіпті індеттен қорғану мақсатында ауданымыз бойынша барлық қажетті дезинфекциялау шаралары жүргізілуде. Осындай жұмыстар аудан орталығындағы «Алтын ауыл» ықшам ауданында да атқарылып, оның барысында тұрғын үйлер мен көшелер, аулалар санитарлық тазалаудан өткізілді.
Нақтырақ айтқанда сәрсенбі күні осы ықшам ауданға абаттандыру бойынша қызмет көрсететін «BeyAzh Trans» ЖШС-і қызметкерлері тазалық шараларына жіті кірісіп, тұрғын үйлердегі подъездер мен балалар алаңдарын химиялық сұйықтықпен шайып шықты. Дезинфекциялау кезінде аймақтағы 18 тұрғын үйге қарасты подъездер, лифт кабиналар, ойын алаңдары, демалыс орындықтары, тұрмыстық қатты қалдықтарды жинау орындары, қоқысқа арналған контейнерлер зарарсыздандыру жұмыстарынан өтті.
Мұнан бөлек дәл осындай жұмыстарды «BeyAzh Trans» ЖШС-і «Бірлік» ықшам ауданында да жүргізіп, оның барысында 2 тұрғын үйге қарасты подъездері, лифт кабиналары, ойын алаңдары, демалыс орындықтары, тұрмыстық қатты қалдықтарды жинау орыны мен қоқысқа арналған контейнерлері дезинфекциялады.
Ақтоты МЫРЗАБЕКҚЫЗЫ.