Ауданымызға қарасты Қайнар ауылының ауыз су мәселесі ағымдағы жылдың қазан айында толығымен шешіледі. Осы мақсатта аталған елді мекенде мамыр айынан бастап «Жұмыспен қамту – 2020 жол картасы» бағдарламасы аясында қарқынды құрылыс жұмыстары жүргізілуде. Анығын айтқанда, алдағы 6 ай көлемінде бұл жерде ұзындығы 10,5 км болатын су құбыры орнатылып, көлемі 1000 текше метр болатын су сақтауға арналған үлкен екі резервуар қойылатын болады. Ауқымды жұмысқа толығымен 6 бірдей техникасын жұмылдырған «Қарасай Құрылыс» ЖШС жауапты.
Жоба бойынша 3,5 мыңнан астам халқы бар Қайнар ауылының тұрғын үйлерінде су тапшылығы болмас үшін 106 құдықтың орналасу жағы да қарастырылған. Мамыр мен қазан айындағы осы бір құрылыс жұмыстары ойдағыдай аяқталса, қайнарлықтар толығымен ауыз судан тапшылық көрмейтін болады.
Дидар МУХАМАДИЕВ.