Жаңа жеңістер – елдің абыройы

Жақында Алматы облысының әкімі Марат Сұлтанғазиев Қарасай ауданында орналасқан республикалық олимпиадалық даярлау Орталығына арнайы келіп, «Париж-2024» Олимпиадасына қатысуға лицензия алған спортшылармен кездесті.

Өңір басшысы алдымен олимпиадалық дайындық базасындағы атыс кешеніннің жұмысымен, сондай-ақ басқа да спорттық алаңдармен танысты. Осылайша спортшыларды төрт жылда бір өтетін басты жарысқа толыққанды дайындау үшін барлық қажетті жағдайлар жасалғанына көз жеткізді.
Бұл басқосуда «Қазақстан спорттық атыс» федерациясының президенті Берік Асылов бейнебайланыс арқылы спортшыларды құттықтады.
«Барлық спортшылар мен жаттықтырушыларға осы олимпиадалық дайындық кезеңінен абыроймен өткені үшін алғыс айтқым келеді. Қазақстан олимпиадалық құрамасындағы 80 адамның 9-ы спорттық атудан сайысқа түседі. Олардың төртеуі Алматы облысынан. Еліміздің олимпиадалық құрамасынан лайықты орын алғандарыңызды мақтан тұтамын. Сіздерге үміт артамыз, табысты өнер көрсетулеріңізді тілейміз және жаттықтырушыларға әлемдік деңгейдегі шеберлерді даярлау үшін жылдар бойы атқарған қажырлы еңбектері үшін алғыс айтамыз. Сіздерге еліміздің намысын қорғап, жеңіспен оралуларыңызды тілеймін!» – деді Берік Асылов.
Алматы облысының басшысы Марат Елеусізұлы олимпиадашыларға Париждегі XXXIII жазғы Олимпиада ойындарында Қазақстанды абыроймен таныстыруды тіледі. Алға қойған мақсаттар қол жеткізу үшін бар күш-жігерін тек жоғары сынама мен Отанымыз – Қазақстан Республикасының даңқы үшін жаңа жеңістерге жетуге шақырды.
«Олимпиада ойындары – әлемдік спорт тарихында ерекше орын алатын оқиға. Оларға сәтті қатысу әдеттегі спорт жетістіктерінен асып түседі. Олимпиада ойындары жекелеген спортшылардың да, тұтас мемлекеттердің де теңдігінің, өзара құрметінің және адал бәсекелестігінің жарқын бейнесі. Сіздердің алдарыңызда бүкіл әлемге Қазақстан спортының әлеуетін тағы да паш ету міндеті тұр. Олимпиада – ең көрнекті спортшылар шабуыл жасайтын шың. Парижде нағыз жекпе-жек қасиеттерін көрсетесіз деп үміттенеміз. Сәттілік серік болсын! Біз сіздерге сенеміз және еліміздің көк туы әлемдік аренада дамиды деп үміттенеміз», – деп атап өтті Марат Сұлтанғазиев.
Өз кезегінде спортшылар мен жаттықтырушылар облыс әкіміне жан-жақты қолдау көрсеткені үшін алғыс білдірді.
«Өңірімізде спорттың дамуы, әсіресе оның әлемдік деңгейге көтерілуі – облыс басшылығының жан-жақты қолдауы мен қамқорлығының нәтижесі. Жаттығулар өткізіп, түрлі оқу-жаттығу жиындары мен жарыстарға басқа қалалар мен елдерге шығу үшін жақсы жағдайлар жасап отырғаны үшін алғыс айтамын. Қазір бар ойымыз Олимпиадада қалайда жеңіске жетіп, елімізді дәріптеу», – деп сендірді стендтік атудан халықаралық дәрежедегі спорт шебері Әсем Орынбай.
Осы жиын барысында саңлақтар өңір басшысы тарапынан құрметке бөленіп, қаржылай сыйақыға кенелді. Анығын айтқанда, Париж Олимпиадасына қатысуға лицензия алған спортшыларға өңір басшысы атынан 1 500 000 теңге көлемінде ақшалай сертификаттар табысталды.
Айта кетейік, байрақты бәскекеде ел намысын қорғау үшін Алматы облысынан атлеттер Демеу Жадраев, Эдуард Ещенко, Әсем Орынбай, Мария Дмитриенко, Никита Чирюкин сайысқа түседі. Оның ішінде грек-рим күресінен Демеу Жадраев, стендтік атудан Әсем Орынбай мен Мария Дмитриенко осымен екінші рет Олимпиада ойындарына қатыспақ. Ал Эдуард Лещенко (стендтік ату) мен Никита Чирюкин (оқ ату) Олимпиада ойындарына алғаш рет бақтарын сынайды.
Париждегі жазғы Олимпиада ойындары 26 шілде басталады. Мұнда 32 спорт түрінен 329 марапаттар жиынтығы ойнатылады. Қазақстаннан спорттың 25 түрінен 80 спортшы қатысады. Ел намысын арқалаған саңлақтарға сәттілік тілейміз!