Батыр рухы, дәуір тынысы

Конференцияға қатысушылар Нағашыбек Қапалбекұлының пьесасы бойынша ауданымыздағы «Жастар театры» сахнаға шығарған «Қарасай батыр» спектаклін де тамашалады. Режиссері Бағлан Омаров. Актерлердің ойыны, музыкалық көркемдеу, сахнаның безендірілуі, бәрі-бәрі аты аңызға айналған қазақтың хас батырының ерліктері мен ол өмір сүрген дәуірдіңң рухын, тынысын анық аңғартты. Тарихи тұлғаның ерен қолбашылық қасиетімен қатар, ерекше адами келбеті де келісті бейнеленген.
Спектакльден көрермендер үлкен әсер алды. Осылайша батыр тұлғасы бұрынғыдан да халық жанына жақын, ел жүрегіне қымбат бола түскендей!