Алматы облысы Талғар қаласы №2 БЖСМ спорт залында, грек-рим күресінен КСРО шебері Алиманов Есенжол Мұхамбетұлын еске алуға арналған республикалық ашық турнирінің БАҚ өкілдерімен турнир алды брифингі өтті.
Брифингке ҚР күрес федерациясының вице-президенті Жабасов Дәурен Еркінұлы, Алматы облысы күрес федерациясының президенті Кузембаев Дамир Сабитұлы, Талғар аудандық күрес федерациясының президенті Алиманов Марат Сабитұлы, аудандық күрес федерациясының вице-президенті Алишер Сұлтанмұратұлы, грек-рим күресінен әлем чемпионы ел мақтаныштарымыз Курбаев Исхар, Камалиев Ербол, Евлоев Ислам қатысты.
Іс-шарада Алматы облысы күрес федерациясының атынан төс белгілері табыс етілді. Сонымен қатар, шетелден келген бапкерлерге алғыс хаттар берілсе, ел мақтаныштарына республикалық “Спорт жұлдыздары” редакциясының, денешынықтыру мен спортты дамытуға қосқан үлесі үшін медальдары берілді.
Жарыстың ашылу салтанаты 16 қазан күні өтті, турнир екі күнге жалғаспақ.