Әрбір азамат – Мемлекеттік шекараның күзетшісі.

Қазақстан – шекарасының ұзындығы бойынша әлемде көш бастап тұрған елдердің бірі. Мемлекетіміздің тыныштығы мен қауіпсіздігін сақтау, шекараны қорғау – ұлттық мүдденің басты міндеттерінің бірі.
Бұл күрделі де маңызды міндетті жүзеге асыруда тек шекарашылар ғана емес, ерікті жасақтар да белсенді көмек көрсетуде.
Ерікті жасақ – азаматтық қоғамның белсенді мүшелерінен құралған топтар. Олар шекара күзетіне қолдау көрсету, құқық бұзушылықтардың алдын алу, жергілікті тұрғындар арасында ақпараттық-насихаттық жұмыстар жүргізу мақсатында жұмыс істейді.
Табиғи апаттар немесе басқа да төтенше жағдайлар кезінде шекарашыларға қолдау көрсетеді.
Ерікті жасақтар шекара қызметін күшейтуде маңызды рөл атқарады. Олар тек қауіпсіздік шараларын жүзеге асырып қана қоймай, қоғамда патриотизм мен азаматтық жауапкершілік сезімін нығайтады. Халық пен шекарашылар арасындағы байланыс көпірі бола отырып, еріктілер ел тыныштығын қамтамасыз етуге үлес қосады.
Ерікті жасақтардың қызметі – ұлттық қауіпсіздікті қамтамасыз етудегі бірегей құрал. Шекараны қорғаудағы бұл қоғамдық бастама тек шекарашыларға ғана емес, елдің әрбір азаматына маңызды үлгі болып табылады. Еріктілердің күшімен біз ел шекарасының мызғымастығын сақтай аламыз.

Ғ.Машанов,

Қарасай шекара басқармасының қызметкері, запастағы майор.