Ұмтыл ауылдық округінде жаңа әкім

Өткен аптаның жексенбісінде ауданға қарасты Ұмтыл ауылдық округінде әкім сайлауы өткен еді. Оның қорытындысы бойынша Ұмтыл ауылдық округінің әкімі болып Ибатжан Ислам Бауыржанұлы сайланды.

Жаңа әкімді қызмет орнына тағайындап, оның ұжымына және ауданның белсенді тұрғындарына аудан әкімінің орынбасары Рустам Атшабаров таныстырды. Сондай-ақ ол көпшілікке оның атқарған қызметін баяндап, алдағы ісіне сәттілік тіледі.
Айта кетейік, Ибатжан Ислам Бауыржанұлы 1997 жылы Қарасай ауданы Райымбек ауылында дүниеге келген. 2018 жылы әл-Фараби атындағы Қазақ Ұлттық университетінде «Жергілікті және мемлекеттік басқару» мамандығы бойынша білім алған.
Алғашқы еңбек жолын 2018 жылы «Аккорд СПИК» ААҚ-ның материалдық жабдықтау бөлімінің жабдықтаушы инспекторы болып бастаған. 2019-2020 жылдары аталмыш мекеменің материалдық жабдықтау бөлімі басшысының орынбасары лауазымында еңбек етті.
2020-2023 жылдары Қарасай ауданы Райымбек ауылдық округі әкімі аппаратының жетекші маманы, бас маманы, 2023-2024 жылдары округ әкімінің орынбасары ретінде жауапты қызмет атқарған.
Ал 2024 жылдың маусым айынан бастап осы уақытқа дейін Қарасай ауданының кәсіпкерлік бөлімінің басшысы лауазымында еңбек еткен.
Өз тілшіміз.