Мемлекеттік тіл – елдің егемендігі мен ұлттық болмысы

Қазақ тілінің мемлекеттік тіл ретіндегі мәртебесі — елдің егемендігі мен ұлттық болмысының басты тірегі. Бұл норма даусыз әрі стратегиялық маңызға ие.

Сонымен қатар, мемлекеттік ұйымдар мен жергілікті өзін-өзі басқару органдарында орыс тілінің ресми түрде қазақ тілімен тең қолданылуы — көпэтносты қоғамның тарихи қалыптасқан шындығын ескеретін, азаматтардың құқықтарын шектемейтін теңгерімді қадам. Бұл қоғамдық келісім мен әлеуметтік тұрақтылыққа қызмет етеді.

Үшінші тармақта көрсетілген Қазақстан халқының барлық тілдерін үйрену мен дамытуға жағдай жасау міндеті — мәдени әралуандылықты сақтаудың, өзара құрмет пен бірлікті нығайтудың маңызды кепілі. Мемлекет осы бағытта нақты тетіктерді іске асырып, қазақ тілінің біріктіруші рөлін күшейте отырып, өзге тілдердің де дамуына мүмкіндік беруі тиіс деп ойлаймын.

Жалпы алғанда, тіл мәселесіне қатысты бұл ұстаным қоғамның сұранысына сай келеді және елдегі татулық пен тұрақты дамуға негіз болады.

Бекболат Байтиков,

Жандосов ауылдық округі ақсақалдар кеңесінің төрағасы.