Мемлекеттік мекемелердің жұмыс уақыты өзгерді

Қарасай ауданында мемлекеттік мекемелердің жаңа жұмыс кестесі бекітілді.
2025 жылдың 16 маусымынан, яғни осы аптаның алғашқы күнінен бастап Қарасай ауданы әкімінің аппараты мен оған қарасты қала, ауылдық округ әкімдіктер, сондай-ақ аудан аумағындағы басқа да мемлекеттік ұйымдар 08:00-ден 17:30-ға дейін жұмыс істейді. Осылайша тұрғындарға қызмет көрсету әдеттегі уақыттан 1 сағат ерте басталады.
Түскі үзіліс уақыты – 12:30-дан 14:00-ге дейін. Жұмыс кестесінің бұл өзгерісі халыққа қызмет көрсету сапасын арттыру және уақытты тиімді ұйымдастыру мақсатында енгізіліп отыр.
Айта кетейік, жұмыс уақытының жаңа кестеге көшуі Қазақстан Республикасының Еңбек кодексіне толығымен сәйкес келеді. Ал Заңда көрсетілгендей 8 сағаттық жұмыс істеу уақыты сақталады, түскі үзіліс оған кірмейді.

Өз тілшіміз.