Қазіргі таңда аудан көлемінде Қаскелең қаласы және өзге де бірқатар елді мекендердің жолдарына ағымдағы жөндеу жұмыстары жүргізілуде.
Аудандық тұрғын үй коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің берген мәліметіне сүйенсек, осы аптада аудан орталығының кейбір, атап айтқанда, көлік қозғалысының қарқындылығына, халық санына және әлеуметтік нысандарға кіреберіс жолдарына қарай кезең-кезеңімен жолдар мен көше желілері ретке келтірілетін болады.
Барлық тоғыз елді мекендегі жөндеу жұмыстары 21 шақырымды қамтиды. Сонымен қатар негізгі магистральдық көшелердің жол жиегін жамау, тазалау, жаяу жүргіншілер жолын тазалау, жол белгілерін орнату және жол белгілерін жаңарту жұмыстары жүргізілуде.
Өз тілшіміз.