ҚР Ғылым және жоғары білім министрлігінің 2023-2024 оқу жылына бакалавриат бойынша 88 204 білім грантын бөлген болатын. Гранттардың басым бөлігі инженерлік, өңдеу және құрылыс салалары мамандарын дайындауға арналған.
Мемлекеттік грант иегерлерінің статистикалық мәліметіне сүйенсек, SDU University-ге бакалавриат, магистратура мен докторантура бойынша жаңа оқу жылына келген 2447 білімгердің 1741-і мемлекеттік грант иегерлері атанды. Оның ішінде республика бойынша екі шет тілі мамандығына бөлінген 200 гранттың 135 иегері SDU University-ді таңдаған.
Сондай-ақ математика және педагогика саласына даярлайтын мамандықтарға бөлінген жалпы гранттар санының 53% иегері аталған оқу ордасын таңдаған.
SDU University баспасөзі хабарлағандай, өткен жылдармен салыстырғанда бұл тарихи көрсеткіш. Аталған университетті таңдаушылар саны жылдан жылға артып келеді.