Ұлыстың ұлы күні қарсаңында нұротандықтар, #наурызchallenge акциясы аясында, қайырымды іс жасап, көпке үлгі болды десек те болады. Нақтырақ айтатын болсақ, аудандық «Nur Otan» партиясы филиалы төрағасының бірінші орынбасары Ақшолпан Қайратқызы Ұлы Отан соғысының ардагерлері мен 100 жастан асқан әжелерімізді ардақтап, аудан әкімі, аудандық партия филиалының төрағасы Жандарбек Далабаевтың атынан әз Наурыз мерекесімен құттықтады. Қадірлі қарияларға құрмет ретінде ізгі тілектер айтылып, сыйлықтар да табыс етілді. Өз кезегінде ардагерлеріміз де «Nur Otan» партиясының ұжымына алғыстарын жеткізе келе, ақ тілектерін айтты.
Дәл осындай мерекелік көңіл-күйді сыйлау үшін партия өкілдері Қаскелең қаласында орналасқан «Рахым» мүмкіндігі шектеулі балалар мен жасөспі-рімдердің ден-саулығын қолдау орталығына да барды. Ұлыстың ұлы күнінде нұротандықтар аталмыш орталықты келіп жеткен Наурыз мейрамымен құттықтап, сый-сияпаттарын тарту етті. Ал, аудандық «Nur Otan» партия филиалы төрағасының бірінші орынбасары Ақшолпан Марат аудан басшысы және аудандық партия филиалының төрағасы Жандарбек Ермекұлының атынан орталыққа Алғыс хат табыстап, ыстық ықыласын білдірді.
Мерейлі мереке аясында аудандық «Nur Otan» партия филиалы осылайша жыл басы – Наурызды жайсаң жандармен тойлап, игілікті іс атқарды.
Ақтоты МЫРЗАБЕКҚЫЗЫ.