Энергияның тұрақты көзі ретінде қызмет етеді

АЭС салу бойынша референдумның «иә» деп көп таңдалуы – бұл еліміздің энергетикалық саясатына оң көзқарастың және халықтың ядролық энергияға сенімінің айқын белгісі. Жас энергетик ретінде менің пікірімше, бұл шешімнің бірнеше маңызды аспектілері бар:
АЭС-тің құрылуы елімізге энергияның тұрақты көзі ретінде қызмет етіп, импортқа тәуелділікті азайтады. Бұл, әсіресе, экономикалық дағдарыстар мен энергия тапшылығы кезінде өте маңызды.
АЭС салу кезінде қауіпсіздік стандарттарын, экологиялық мәселелерді және атомдық қалдықтарды басқару мәселелерін ескеру маңызды. Жобаны іске асыру кезінде қоғаммен ашық диалог жүргізу, мүдделі тараптардың пікірін тыңдау – табысты жүзеге асырудың кілті. Болашағымызды қорғау және тұрақты даму үшін ортақ жауапкершілікті сезінуіміз керек.

Нұралибек Амирханов ,
ЭБЖ трассаларын эскиздеу жөніндегі электромонтер.