Дәл референдум күні 18 жасқа толған жас дауыс беруші Ерболқызы Айшуақ өзінің дауысын берді

Конституциялық референдум күні 18 жасқа толған жас азамат Ерболқызы Айшуақ алғаш рет өз азаматтық құқығын пайдаланып, дауыс беруге қатысты. Ел болашағына бейжай қарамай, өз таңдауын жасау арқылы жас ұрпаққа үлгі көрсетіп, азаматтық жауапкершіліктің нақты көрінісін көрсетті.
Айшуақтың айтуынша, бүгінгі күн оның өмірінде елеулі оқиға болып отыр. «Бүгінгі дауыс беру мен үшін ерекше маңызды. Алғаш рет өз пікірімді білдіру – үлкен жауапкершілік пен азаматтық парызымды орындау. Ел тағдырына бейжай қарамай, өз таңдауымды жасау мен үшін мақтаныш», – деді жас дауыс беруші.
Ол сонымен бірге барлық жас азаматтарды өз құқықтарын белсенді пайдаланып, саяси науқанға қатысуға шақырды. «Әрбір дауыс маңызды, себебі әр азаматтың таңдауы ел болашағына әсер етеді. Біз – өз еліміздің ертеңі үшін жауапкершілік сезімін сезінуіміз керек», – деп атап өтті Айшуақ.
Жас азаматтың бұл қадамы – елдің жас ұрпағы үшін үлгі, азаматтық ұстаным мен қоғамға деген жауапкершіліктің айқын көрінісі. Оның алғаш рет дауыс беруі – Конституциялық референдумның тарихи маңыздылығын сезіну мен азаматтық белсенділіктің нақты дәлелі болып табылады.