Талғар ауданында жас ұрпақты спортқа баулитын тартысты турнирлер жоспарлы түрде ұйымдастырылып тұрады. Мұндай бәсекелер жастардың осы саладағы қабілетін шыңдай түсетіні анық.
Осындай жарыстардың бірі сәуір айының 24-26 күндері грек-рим күресінен өтті. Айтулы спорттық шара мемлекет және қоғам қайраткері Тұрар Рысқұловты еске алуға арналды. Боз кілемдегі белдесу республикалық турнир ретінде 2008-2010 жылы туған жасөспірімдер арасында ұйымдастырылды. Оған құрметті қонақ ретінде Талғар ауданының әкімі Танат Айдарбеков арнайы қатысып, спорттық іс-шарада құттықтау сөзін айтты. Аудан басшысы жасөспірімдерге жігерлі кеңесін беріп, қатысушыларға сәттілік тіледі.
Республикалық турнирге Қырғыз Республикасы және 11 командадан 150-ге жуық спортшы қатысты.
Жарыс жеңімпаздары мен жүлдегерлері Алматы облыстық бұқаралық-спорттық іс-шараларды өткізу орталығынаның тарапынан және Алматы облысы дене шынықтыру және спорт басқарама басшысының тиісті дәрежелі грамоталарымен марапатталды. Сондай-ақ демеушілер тарапынан ақшалай сыйлықтар табыс етілді.
Өз тілшіміз.