Ұлық мерекенің тағы бір тамаша тойлануы Қаскелең қаласы Әйтей батыр көшесіндегі көршілер арасында да көрініс тауып, ынтымақ пен берекенің нышанын айқындайтын дәстүрлі мейрам өз деңгейінде атқарылды. Аталған көшедегі 15 үйдің тұрғыны мерекелік дастархан жайып, ұлық мейрамның көркін көше бойына кіргізе білді.Бірлігі жарасқан көршілер қауымы әз Наурызды тойлау барысында бір-біріне деген ақ тілектерін ақтарып, жүрекжарды лебіздерін жеткізді. Келушілердің бәрі көше бойында жайылған дастархандағы тәттілерден және наурыз көжеден дәм татып, мерекенің маңыздылығын осылайша дәріптей білді.
Көпке ерекше көңіл-күй сыйлаған көршілердің Наурыз мерекесін дәл бұлай тойлауы үлгі аларлық шара деп білеміз. Игі дәстүр келешекте де насихатталып, тұрғындардың бірлігі, ұлт пен ұлыстың ынтымағы одан әрі жалғасатынына сенімімз мол.
Дидар МУХАМАДИЕВ.