Бір отбасы үшін емес, бүкіл ел үшін маңызды жоба

– Шығыс Қазақстанда салынып жатқан жаңа Гематология орталығы – көп жылдан бері қажет болған ірі жоба. Бұрын ондай емдеу мекемесіне бару үшін тұрғындар Алматы мен Астанаға баруға мәжбүр болатын. Ал енді өз өңірімізде сүйек кемігін трансплантациялайтын, заманауи құрылғылармен жабдықталған орталық бой көтеріп жатыр. Бұл – тек бір отбасы үшін емес, бүкіл ел үшін маңызды.

Мұндай орталықтар әсіресе балалар мен ауыр дертке шалдыққандар үшін ауадай қажет. Біз, үлкендер, көріп отырмыз: қайтарылған қаражаттың босқа кетіп жатпағаны көңілге медеу. Халықты алдаусыз, ашық саясат жүріп жатыр.

Бұрынғы ұрланған дүниенің есесі халыққа қайтқаны – шын мәнінде тарихи әділдік. Бұрынғы байлар байыған үстіне байып, ел ішінде бірлік пен теңдік жоғалуға шақ қалған еді. Енді бәрі орнына келе бастады.

Қалбай Қуатов,

Әйтей ауылдық округі Сауыншы ауылының ақсақалдар кеңесінің төрағасы