Білім берудің сапасына мән берілген

Жаңа редакциядағы преамбула «Біз, біртұтас Қазақстан халқы» деген сөзбен басталады, ал бұрынғы нұсқада «Біз, ортақ тарихи тағдыр біріктірген Қазақстан халқы» деп жазылған еді. Жаңа нұсқада құндылықтар мен бағдарлар егжей-тегжейлі сипатталған: мемлекет болу, Ұлы Дала тарихы, «Заң мен Тәртіп» қағидаты, азаматтың құқығы мен бостандығы, бірлік пен ынтымақ, этносаралық келісім, мәдениет, білім, ғылым, инновациялар және табиғатты аялау мәселелері қамтылған.

Сонымен қатар, білім берудің зайырлылығы мен міндеттілігі жөніндегі жаңа норма білім беру жүйесінің мақсатын нақты көрсетеді. Енді міндетті білім беру тек орта біліммен шектелмей, бастауыш деңгейді де қамтиды, бұл барлық балалардың негізгі білім алу құқығын қамтамасыз етеді. Білім беру жүйесі «зайырлы» деп аталып, оқу процесі діннен тәуелсіз және барлық азаматтарға тең қолжетімді болып белгіленген. Осылайша, жаңа норма білім берудің сапасы мен әділдігін күшейтіп, қоғамдағы тең мүмкіндіктерді қолдауға бағытталған.

Жанар Кулиева,

Қарасай ауданының мәслихат депутаты.