Алматы облысында тау кластері жобалары жүзеге асуда

Туристік әлеуеті жоғары Алматы облысында «Алматы тау-кен кластерін дамытудың 2025-2029 жылдарға арналған Кешенді жоспары» әзірленуде. Бұл туралы облыстық туризм басқармасының басшысы Қуанышбек Мирамбекұлы баспасөз мәслихатында мәлімдеді.
Жоспарға сәйкес, бес негізгі бағыт бойынша 12 іс-шараны жүзеге асыру көзделген.
Алматы тау-кен кластерін дамытуға арналған кешенді жоспардың бір жобасы — «Oi-Qaragai» барлық маусымдық тау шаңғысы курортын кеңейту. Бұл демалыс аймағы Ақтас үстіртінде орналасқан. Жауаптылардың айтуынша, курортты дамытуға 83,2 млрд теңге жеке инвестициялар бағытталатын болады.
Басқарма басшысы Қуанышбек Мирамбекұлы, 2025-2029 жылдарға арналған қаржыландырудың жалпы көлемі 92,8 млрд. теңгеге жетіп жығылды дейді.
Аймақтың әсем табиғатын тамашалауға келетіндердің қатарын көбейту үшін түрлі демалыс аймағын ашу жоспарланған. Мәселен, 2027 жылға қарай, облыс орталығында яхта айлағы бар халықаралық деңгейдегі курорттық-ойын-сауық жағажайын салу көзделген. Жоба құны 48 млрд. теңге. Аталған жоба инвесторлардың көмегімен іске асырылатын болады.
Келесі инвестициялық жоба — «Қара» шатқалындағы шыны көпір. Келген адамды таңдай қақтырмай қөоймайтын бұл орын Кеген ауданында болады, бүгінгі күні «ASK Capital» ЖШС компаниясы 1 500 млн. Теңге инвестиция салған жайы бар.
«Өңірде туризм саласындағы инвестициялық жобалардың бірыңғай пулы бар, оған жалпы сомасы 396 млрд теңге болатын 29 инвестициялық жоба кіреді. Оларды іске асыруға 5 жылдан астам уақыт қажет»,-деді спикер.
Облысқа табан тіреген туристке керегі инфрақұрылым. Алматы облысының туристік орындарының жағдайы уақыт өте жақсаруда. Мәселен, 2023 жылы 15 орында 211,7 млн.теңге сомасына бақылау алаңдары, көрсеткіштер, көпірлер, Көлсай көлінде пирстер және жаяу жүргіншілер көпірлері орнатылды.
Өткен жылмен салыстырғанда Алматы облысына келген туристер саны 7,6 пайызға артқан. 2025 жылғы 1 қарашада «eQonaq» базасына сәйкес облысқа 131 869 шетелдік турист табан тіреген, былтырдан қарағанда 122 559 адам артық келген.