Ғаламдық шындық – Қазақстан көпшілік айта бермейтін ақиқатты ашық айтты

«Астана» халықаралық форумында сөйлеген сөзінде Президент Қасым-Жомарт Тоқаев әлемнің қазіргі күйін бүкпесіз жеткізді: 52 елде соғыс жүріп жатыр, ал зорлық-зомбылықтың әлемдік экономикаға келтірген шығыны – 19 триллион доллар, яғни әлемдік ЖІӨ-нің 13,5 пайызы.
Бұл – жай статистика емес, бұл – бүкіл халықаралық қоғамдастыққа арналған ескерту. Президент Тоқаев мәселені атап қана қойған жоқ, ол адамзат алдында нақты таңдау тұрғанын айтты: не қақтығыстарды жалғастыру, не сананы іске қосып, бейбіт болашақ құндылықтарын қорғау.
Бұл мәлімдеме Қазақстанды әлемге бейбітшілік пен парасаттылықтың үлгісі ретінде танытады. Әскери амбиция емес, саяси даналық – міне, біздің күшіміз.

Берікбай ҚАДЫҚОВ,

Қарасай ауданының Құрметті азаматы, ардагер-журналист.