АЭС экологиялық тұрғыдан тиімді энергия өндіру әдісі болып табылады

Референдумның оң нәтижесі – еліміз үшін өте маңызды оқиға. Аналар ретінде біз балаларымыздың болашағы мен қауіпсіздігін әрқашан бірінші орынға қоямыз. Атом электр станцияларын салу – еліміздің энергия қауіпсіздігін қамтамасыз ету мен экологиялық таза энергия көздерін пайдалану үшін қажетті қадам.

Біз балаларымыздың таза ауада, қауіпсіз ортада өсіп-өнуін қалаймыз. АЭС экологиялық тұрғыдан тиімді энергия өндіру әдісі ретінде бізге қажетті энергияны қамтамасыз ете отырып, табиғатқа зиян келтірмейді. Бұл біздің табиғатымызды қорғап, экологиялық тепе-теңдікті сақтауға көмектеседі.

Сонымен қатар, АЭС салу жаңа жұмыс орындарын ашып, еліміздің экономикасына серпін береді. Бұл – отбасыларымыздың әл-ауқатын жақсартуға, жастарымыздың болашағын жарқын етуге бағытталған маңызды мүмкіндік.

Біз аналар ретінде, еліміздің дамуына және балаларымыздың жарқын болашағына сенеміз. Референдумның оң нәтижесі – біздің қоғамымыздың, еліміздің дамуы үшін жаңа кезеңнің бастамасы. Осындай шешімдерді қолдай отырып, біз болашақ ұрпақтың мүддесін қорғаймыз!

Батиха Нұртаева,
Шамалған ауылдық округі аналар кеңесінің төрағасы