«Nur Otan» партиясы жариялаған бастауыш ұйымдардың рөлін арттыру, белсенділігін дамыту мақсатындағы республикалық «Ең үздік бастауыш партия ұйымы» атты байқау биыл да өз жалғасын табуда. Осы ретте өткен аптаның жұмасы күні «Nur Otan» партиясының Қарасай аудандық филиалының ғимаратында жергілікті ұйымдарда атқарылған жұмыстар сараланып, үздіктер анықталды.
Үздік бастауыш партия ұйымын анықтау, олардың жұмыс тәжірибесін барлық аймақтарда тарату, рөлін және белсенділігін көтеру, қоғамдық-саяси ықпалын күшейтуді көздеген байқауға 100 бен 500 аралығындағы партия мүшесі бар БПҰ-нан 2-ші санат бойынша алты ұсыным, 500 ден 5000-ға дейін партия мүшесі бар БПҰ-нан 3-ші санат бойынша бес ұсыным қабылданып, барлығы 11 ұйым қатысты. Комиссия төрағасы, аудан әкімінің орынбасары Күлжан Дүйсенова бастаған жиында комиссия мүшелері болып аудандық кәсіподақ ұйымының төрағасы Сағындық Жылқыбаев, аудандық Қоғамдық кеңесінің төрағасы Сағат Мәсімақынов, аудандық мәслихат аппаратының басшысы Қаныбек Айтжанов, аудандық мәслихат депутаты, фракция жетекшісі Бауыржан Айнабеков, аудандық партия филиалының консультанты Балнұр Чегебаева отырды. Сондай-ақ, бұл іс-шараға барлық бастауыш партия ұйымының төрағалары мен партия белсенділері қатысты.
Жалпы, ұйымдардың төрағалары атқарған жұмыстарын жеті бағыт бойынша бір жыл бойы атқарған жұмыстарын комиссия мүшелеріне бейнеролик, слайд сынды көрнекі құралдардың көмегімен баяндама жасау арқылы таныстырып, жинақ папкаларын көрсетті. Мұнан бөлек, комиссия мүшелерінің тарапынан жоспардан тыс қандай шаралар атқарғаны туралы қойылған сұрақтарға да жауап берді.
Байқау соңында қатысушылар жұмысын сарапқа салған комиссия мүшелерінің шешімімен 2-ші санаттағы ұйымдар арасында І орынды Ержас Тоқтасынов төрағалық ететін Шамалған БПҰ алды. Ал, ІІ орын Асқар Мұқашев жетекшілік ететін Қаскелең БПҰ-на бұйырса, ІІІ орынды Бекжан Абжан бастаған Елтай БПҰ жеңіп алды. Сонымен қатар, 3-ші санат бойынша жеңімпаз болып Тұрарбек Ташев басқаратын Жамбыл БПҰ атанды. ІІ орынды Елдос Мұқатайұлы төрағалық ететін Бірінші Май БПҰ иеленсе, ІІІ орынды Қайсар Кикимов жетекшілік ететін Әйтей БПҰ қанжығасына байлады. Барлық қатысушыларға арнайы Алғыс хаттар мен сыйлықтар табыс етілді. Байқау жеңімпаздарын марапаттау сәтінде Қоғамдық кеңесінің төрағасы Сағат Ұлтарақұлы аудандық байқаудың жоғары деңгейде өткенін айтып, қатысқан барлық бастауыш партия ұйымдарына алғысын білдіріп, облыстық байқауда аудан намысын қорғайтын қос бастауыш партия ұйымдарына сәттілік тіледі.
Ақтоты МЫРЗАБЕКҚЫЗЫ.