«Karasayinfo taxi» деп аталатын бағдарлама Қарасай ауданының 90 жылдығына орай ұйымдастырылуда. Аудандық және Қаскелең қалалық әкімдіктерінің қолдауымен іске кіріскен жоба қазіргі кезде өз қызметін бастап кетті. Қаскелең қаласынан бастау алған бағдарлама барлық ауылдық округтерді қамтитын болады.
Бағдарлама жайлы толығырақ сөз қозғайтын болсақ, арнайы такси белгісі бар көлік қала, ауыл ішін аралап, жолда тұрған адамдарды алады. Әрине, жобаға қатысушылардың барлығы да кездейсоқ тұрғындар болады. Онда қатысушыға баратын жеріне тегін жеткізу мүмкіндігі ұсынылады және сыйақысы бар үш сұрақ қойылады. Барлық сұрақтар Қарасай ауданының тарихына, танымал тұлғалары мен көрікті жерлеріне қатысты болмақ. Әр дұрыс жауапқа 500 теңге көлемінде сыйақы беріледі. Яғни, жобаға қатысушы баратын жеріне тегін жетіп қана қоймай, дұрыс жауап берсе, 1500 теңге көлеміндегі ақшалай ұтысты иеленеді.
Жұмысын жаңа бастаған «Karasayinfo.kz» желілік басылымының бұл бағдарламасы «Youtube» арнасында көрсетілетін болады. Иә, осы жобаға қатысты видео шығарылымдар әр аптаның басында «Youtube» арнасына жүктелу жоспарланған.
Аталмыш арнаға жазылып, достарыңызбен бөлісуді ұмытпаңыздар!
Бақдаулет ТАЛИПОВ.