Стратегиялық командалық-штабтық «Батыл тойтарыс – 2026» оқу-жаттығуын дайындау және өткізу шеңберінде ағымдағы жылдың тамыз және қыркүйек айларында Қазақстан Республикасының аумағында қару-жарақ, әскери техника мен жеке құрамды жауынгерлік даярлық іс-шараларын өткізу аудандарда жүзеге асырылады.
Әскерлерді қайта орналастыру аралас тәсілмен жүзеге асырылады: теміржол эшелондары, жалпыға ортақ пайдаланылатын автомобиль жолдары бойынша автомобиль колонналары, сондай-ақ армиялық авиация пайдаланылады.
«Батыл тойтарыс – 2026» оқу-жаттығуы кешенді сипатқа ие, еліміздің бүкіл аумағындағы оқу-жаттығу полигондарын қамтиды және Қарулы Күштердің қазіргі жағдайдағы міндеттерді орындауға әзірлігін тексеруге бағытталған.
Оқу-жаттығу барысында құрлықта, әуе кеңістігінде, теңізде және киберкеңістікте бірыңғай жедел кеңістікте әскерлерді қолдану және әскер түрлері арасындағы өзара іс-қимылды ұйымдастыру мәселелері пысықталады.
Өткізілетін іс-шаралар жоспарлы сипатқа ие және әскерлердің жауынгерлік даярлығын жетілдіруге, әскери басқару органдарының, әскер түрлері мен тектерінің, сондай-ақ арнайы әскерлердің өзара іс-қимыл деңгейін арттыруға, сонымен қатар Қазақстан Республикасының Қарулы Күштерін қолданудың заманауи нысандары мен тәсілдерін пысықтауға бағытталған. Осыған байланысты азаматтар мен бұқаралық ақпарат құралдарының өкілдерін сабырлық сақтауға, тек ресми ақпаратты басшылыққа алуға және тексерілмеген мәліметтерді таратпауға шақырамыз.
Көрінеу жалған ақпаратты тарату, сондай-ақ анық емес мәліметтерді жариялау Қазақстан Республикасының заңнамасына сәйкес жауапкершілікке әкеп соғатынын еске саламыз.
Қазақстан Республикасы Қарулы күштерінің Бас Штабы.