Алматы облысы бойынша дәстүрге айналған медицина қызметкерлері арасындағы байқаудың биылғы жылғы жеңімпазы – біздің жерлесіміз.
Атап айтқанда, аудандық орталық аурухана жансақтау бөлімшесінің (реанимация) меңгерушісі Дамиля Болатқызы Қылышпаева «Облыстың үздік дәрігері» номинациясында жеңіп шығып, 1 млн теңгенің сертификатына ие болды.
Сондай-ақ, аудандық аурухананың травматология бөлімшесінің меңгерушісі Алтай Кенжеәліұлы Достияров ҚР Денсаулық сақтау министрлігінің «Денсаулық сақтау ісіне қосқан үлесі үшін» төсбелгісімен марапатталып, мерейі өсті. Жүлделерді иелеріне облыс әкімінің орынбасары Жақсылық Омар салтанатты түрде тапсырды.
Құттықтаймыз!
Біз қасиетті Қарасай ауданының абыройын арттырған осындай ақ желеңді абзал жандармен мақтанамыз.