Бүгінде аудан орталығы Қаскелең қаласында жаяу жүргіншілер жолына жөндеу жұмыстары жүргізілуде. Оның бірден-бір ерекшелігі сәндік әрі сапасы жағынан асфальтке қарағанда төзімдірек тас төсеніштері орнатылады. Сондай-ақ, олардың арасында қыртысы болғандықтан жауған қар, жаңбырдың жерге сіңіп кетуіне байланысты сыну қауіптілігі де төмендейді. Нақтырақ, ол ұзақ уақытқа, ыңғайлы және әдемі болары сөзсіз. Тапсырыс берген мекеменің көздеп отырғаны да осы. Алдымен бұл бастама Каскелең қаласының Жанғозин көшесінің бойында іске асырылып, жол жиегіне жасалатын өзгерту жұмыстары басталып кетті. Жалпы, ұзындығы 2 шақырымды құрап отыр. Сонымен қатар, жаяу жүргіншілер жолымен қоса арнайы велосипедшілерге арналған жолақшалар да болады.
Егерде аталмыш бастама тұрғындар жағынан қолдау тауып, көңілінен шығатын болса, тапсырыс беруші мекеме ауданға ұсыныс тастау арқылы қаланың басқа да орталық көшелеріне де тас төсеніштерді орнату жоспарларында бар.
Бұрым ОРЫНБАСАР.