Талғар ауданындағы №862 сайлау учаскесінде 2014 жылғы ауыр атлетикадан чемпион Жасұлан Қыдырбаев таңғы сағат 9:00-де дауыс берді. Белгілі спортшы өзінің азаматтық таңдауын жасап, елдің қоғамдық-саяси өміріне белсенді қатысудың маңыздылығын көрсетті.
Спортшының сайлауға қатысуы жастарға үлгі болары сөзсіз. Өйткені спортта жоғары жетістікке жеткен азаматтардың қоғамдағы маңызды оқиғаларға белсенді араласуы елдік жауапкершілік пен азаматтық ұстанымның жарқын көрінісі.
«Спорт – денсаулық кепілі» деген халық даналығының мәні терең. Спорт адам денсаулығын нығайтып қана қоймай, тәртіпке, төзімділікке, жауапкершілікке тәрбиелейді. Талғар ауданында ұйымдастырылған ұлттық спорттық шаралар мен спортшылардың белсенді азаматтық ұстанымы салауатты өмір салты мен ұлттық құндылықтардың өзара сабақтастығын айқын көрсетті.
Ұлттық спортты дәріптеу, бұқаралық спортты дамыту және жастарды белсенді өмір салтына баулу – қоғамның болашағына салынған маңызды инвестиция. Осындай игі бастамалар арқылы аудан тұрғындарының спортқа деген қызығушылығы артып, ұлттық ойындарға деген құрметі нығая түседі.