Конституциялық өзгерістердің маңыздылығы сөз болды

Бекітілген жұмыс жоспарына сәйкес Жастарға қызмет көрсету орталығында ақпараттық-түсіндіру тобының ұйымдастыруымен Қазақстан Республикасының Конституциясына енгізілетін өзгерістер мен толықтырулар тақырыбында жастармен кездесу өтті.
Іс-шара барысында ұсынылып отырған конституциялық өзгерістердің басым бағыттары, олардың мазмұны мен маңыздылығы жан-жақты түсіндірілді. Қатысушыларға аталған түзетулердің елдің саяси-әлеуметтік дамуына ықпалы кеңінен баяндалды.
Кездесу ашық диалог форматында өтіп, жастар тарапынан қойылған сұрақтарға толық жауаптар беріліп, сондай-ақ қатысушылар өз пікірлерін білдіріп, өзара ой алмасты.