Коалиция өкілдері Қаскелеңдегі мектеп ұжымымен жүздесті

«Әділетті және Прогрессивті Қазақстанның Халықтық Конституциясы үшін!» коалициясының мүшелері Қаскелең қаласындағы Жайлы мектебінің педагогтерімен кездесіп, жаңа Конституция жобасындағы құқықтық тепе-теңдік тетіктерін түсіндірді.

Кездесуде тәуелсіз Конституциялық Соттың құрылатыны және оның заңдардың Негізгі заңға сәйкестігін тексеру құзыретіне ие болатыны айтылды.

«Конституциялық Сот – құқық үстемдігінің негізгі тірегі. Ол қабылданатын заңдардың Конституцияға сәйкестігін бағалап, билік тармақтарының теңгерімін қамтамасыз етеді. Бұл – саяси шешімдердің құқықтық сүзгіден өтуін қамтамасыз ететін маңызды институт», – деді коалиция мүшесі Карбозова Бигайша.

Кездесу соңында педагогтер референдумның елдің құқықтық болашағын айқындайтын маңызды кезең екенін атап өтті.