Қазақстан Республикасының Тұңғыш Президенті, Елбасы Нұрсұлтан Назарбаевты әлемге әйгілі саясаткер, көреген көшбасшы, кемеңгер, даналығы мол дара ел жетекшісі деуімізге болады.
Өйткені, ол жаңа Қазақстан тәуелсіздігінің басында тұрды, осы заманғы үлкен мемлекетті басқарды, оның күш-қуатын молайтты, халықтың жағдайын жақсартты, адамдардың ертеңгі күнге деген сенімін арттырды. Ол, шын мәнінде, қазақтың бағына туған ұлы адам!
Қазіргі Мемлекет басшысы, Қазақстанның екінші Президенті Қасым-Жомарт Тоқаев өзінің «Тарихи тұлға тағылымы» атты мақаласында өз халқының мақтанышына айналған Нұрсұлтан Әбішұлының атына жүректен шыққан жылы лебізін білдіріп, атқарған ауқымды істерін атап-атап көрсетіпті, риза болып оқыдық.
«Сексеннің сеңгіріне сергек жеткен саясаткердің ел мен жер алдындағы ұшан-теңіз еңбегі – ұрпаққа үлгі, баршаға өнеге!» деп түйіндейді Қасым-Жомарт Кемелұлы.
Өте тура айтылған, біз де бұл пікірге толық қосыламыз!
Рая СИРАЗИТДИНОВА,
ҚР Тұңғыш Президенті – Елбасы Нұрсұлтан Назарбаевтың сыныптасы.