Жуырда, Елбасы Н.Ә.Назарбаевтың «Рухани жаңғыру» бағдарламасы аясында, «Батыр бабалар» мемориалды кешенінің қызметкерлері XVIII ғасырдағы Қазақ-Жоңғар қақтығысы барысында ерен ерлігімен көзге түскен батырдың бірі – Сәмен Дәненұлының өмірі жайында Қырғауылды ауылындағы Ушинский орта мектебі оқушыларымен «Сәмен батыр және оның ерлігі» атты кездесу өткізді. Шараның құрметті қонағы ретінде Сәмен батырдың өмірі мен ерлігі жайында зерттеу жұмысын жүргізіп жүрген, зерттеуші әрі өлкетанушы Әшімқұл Ақпейілов шақырылды.
Музей қызметкерлері Сәмен батыр туралы баяндама жасаса, Әшімқұл Ақпейілұлы өзінің зерттеуі нәтижесінде түсірілген бейнеролигін көрсетті. Сондай-ақ, Сәмен батырдың 1729 жылы (кейбір деректерде 1730 ж.) Жетісу жерінде орын алған «Аңырақай шайқасында» көрсеткен ерен ерлігі жайында әңгімелеп, Төле биден бата алғандығын айтып берді.
Орынбасар ӘЛІМ,
«Батыр бабалар» мемориалды
музейі меңгерушісінің м.а.