Өткен аптаның сәрсенбісінде аудан әкімінің міндетін атқарушы Айжан Назарбаева, халық қалаулыларының таңдаған сайлау нәтижесі бойынша, Жаңашамалған ауылдық округінің әкімі атанған Алпамыс Айдаровты жаңа жұмыс орнына отырғызып, ауыл ақсақалдары мен бірқатар мекеме басшыларына таныстырды. Жиын барысында аудан әкімінің орынбасары Айжан Нұрділдәқызы алдымен Алпамыс Айдынұлының өмірі мен осы уақытқа дейін атқарған қызмет жолы жайында мағлұмат берді. Сонымен қатар, жаңа қызметке тағайындалған округ әкімінің қашанда жұртшылықпен тығыз байланыста болып, қариялардың ақылына құлақ асып, халықпен жиі қарым-қатынаста болуын сөз етті.
Өз кезегінде аталмыш округтің ардагерлер ұйымының төрағасы Бажит Анисов жаңа округ басшысына тұрғындарының атынын ізгі ниетін білдіріп, өзіне жүктелген міндетін абыроймен атқаруында табыс тіледі.