Спорт күні қарсаңында «Жігер-М» мүгедек спортшылар федерациясы» қоғамдық бірлестігінің төрағасы Ходжамуратов Тәжіғали Абдижамилұлына арнайы алғыс хат табыс етілді. «AMANAT» партиясы Алматы облыстық филиалының атқарушысы хатшысы Ерлан Жакупов арнайы алғыс хатымен Тәжіғали Абдижамилұлын құттықтады.
Партияның Қарасай аудандық филиал төрағасы Қаныбек Айтжанов және аудандық мәслихат депутаты Бекжан Сүнбеков қатысқан кездесу барысында ардагер спортшымызды кәсіби мерекемен құттықтап, жылы лебіздерін білдірді. Тәжіғали Абдижамилұлы бастаған ауданымыздың бірқатар спортшылары тамыз айында Молдова елінің Кишинев қаласында өтетін қол күрестен әлем чемпионатына қатысатын спортшыларымызға жеңіс тілеп, жеңіс тұғырынан лайықты орындарды тіледі.
«AMANAT» партиясы Алматы облыстық филиалының баспасөз қызметі.